مني ليكي باتشدّ ليه؟
تملي فيكي باغرق بادوب

دايما ف قلبك يانبض قلبي
القى الجمال القى الطيوب

من شوقي ليكي ف كل حال
تشد فكري لحظة غروب

فاحلم أكون شمس ف سماكي
ولبحر حبك أنا بس أثوب

واحلم أضيع ف خط ايدك
ماهو ارض حبك مالهاش دروب

مالهاش امان غير جوة عينك
وشط عينك مليان حروب

بين بسمة حلوة ف ركن عينك
ودمعة حايشاها الهدوب

وبين لقاهم ف كل ثانية
تقوم معارك تضيع شعوب

بس الحقيقة اللي ف خيالي
اني بهواكي دايما باتوب

واشوف حقيقتي ف نور دموعك
اني بشر مليان عيوب

بس انتي عينك سرحانة فيّ
وشفت فيها شيطان لعوب

يمكن يقولك يوم تسمحيلي
أخلي شط الالام يروب